გაყიდვები და მართვა

კურსის ღირებულება - 1890 ლარი დღგ-ს გარეშე

გაყიდვების და მოლაპარაკების პროცესის მართვა რთული და კომპლექსურია. შესაბამისად, სწორი სტრატეგიის გარეშე კონკრეტული და გრძელვადიანი შედეგების მიღება პრაქტიკულად წარმოუდგენელია. ზოგჯერ ჩვენ ვიღებთ შედეგებს, მაგრამ ეს შედეგები არასტაბილურია და მუდმივად გვიწევს ხანძრების ჩაქრობა, რასაც ხშირ შემთხვევაში, მხოლოდ დროებითი ეფექტი აქვს.

გაყიდვების და მართვის კურსის მთავარი სარგებელი კონკრეტული სტრატეგიებისა და ტექნიკების შესწავლაა, რომლებიც არამარტო მსოფლიოში, არამედ საქართველოს რეალობაშიც ადაპტირებულია და პრაქტიკაში გაზომვადი შედეგები მოაქვს. ტრენინგის შემდეგ თქვენ შეძლებთ თქვენს კომპანიაზე მორგებული გაყიდვების სტრატეგიის შექმნას და მოლაპარაკებებისა და გაყიდვების პროცესის წარმატებით დასრულებას. შესაბამისად, თქვენი გაყიდვები უფრო სტაბილურად გაიზრდება, ყოველი ახალი გამოწვევა გაყიდვებში ნაკლები სტრესის მომტანი იქნება და რაც მთავარია, შეძლებთ, რომ უფრო ეფექტურად მართოთ გაყიდვების გუნდი და იზრუნოთ მათი განვითარების გრძელვადიან გეგმებზე. 

გაყიდვების და მართვის ტრენინგი

ტრენინგი განკუთვნილია მათთვის, ვისაც უშუალოდ უწევს გაყიდვების გუნდის, კორპორატიული გაყიდვებისა და რთული მოლაპარაკებების მართვა.

ტრენინგის უპირატესობები

პროგრამა შედგენილია პრაქტიკულ ქეისებსა და საერთაშორისოდ აღიარებულ მასალებზე დაყრდნობით და მორგებულია ქართულ ბაზარს.

პრაქტიკოსი ტრენერები დაგეხმარებიან, ისწავლოთ, როგორ დაგეგმოთ, განახორციელოთ და მართოთ გაყიდვებისა და მოლაპარაკებების პროცესი დასაწყისიდან დასასრულამდე.

პროგრამა შედგება სამი ძირითადი ბლოკისგან: დაგეგმარება, განხორციელება და ანალიზი. პრაქტიკული სავარჯიშოების განმავლობაში მონაწილეებს საშუალება მიეცემათ, მიღებული ცოდნა რეალურ ქეისებს მოარგონ.