1) რა იყო თქვენი მოტივაცია, რომ შესყიდვების მართვის კურსი გაგევლოთ ISI-ში?
ჩემი მთავარი მოტივაცია იყო თანამედროვე შესყიდვების სტანდარტების, პრაქტიკული მიდგომებისა და გადაწყვეტილებების უფრო ღრმად გაცნობა, რათა ყოველდღიურ საქმიანობაში მეტად ეფექტური გავმხდარიყავი.

2) რას ელოდით კურსის დაწყებამდე და შეესაბამა თუ არა რეალობა თქვენს მოლოდინს?
კურსის დაწყებამდე ველოდი თეორიისა და პრაქტიკის დაბალანსებულ კომბინაციას, რაც სრულად გამართლდა. მივიღე გაცილებით მეტი პრაქტიკული რჩევა და გამოცდილებაზე დაფუძნებული მაგალითი, ვიდრე თავდაპირველად წარმომედგინა.

3) რომელი თემები ან სესიები დაგამახსოვრდათ ყველაზე მეტად და რატომ?
ყველაზე მეტად დამამახსოვრდა რეალური ქეისების ანალიზი და პრობლემური სიტუაციების განხილვა. სწორედ ამ სესიებმა დამანახა, როგორ შეიძლება სწორად დაგეგმილმა შესყიდვებმა ეფექტურად იმუშაოს ყველაზე რთულ და არასტანდარტულ სიტუაციებშიც.

4) როგორ შეიცვალა თქვენი ხედვა შესყიდვების მართვასთან დაკავშირებით კურსის შემდეგ?
კურსმა შესყიდვების პროცესი ჩემთვის უფრო მრავალმხრივი გახადა. ახლა ბევრად უფრო მკაფიოდ ვხედავ, რა მნიშვნელობა აქვს სწორ დაგეგმვას, რისკების წინასწარ განსაზღვრასა და ეფექტურ კომუნიკაციას არა მხოლოდ წარმატებული შესყიდვების, არამედ გაყიდვების კუთხითაც. სწორად წარმართული შესყიდვები საფუძველია ეფექტური გაყიდვებისა და, საბოლოო ჯამში, კომპანიის წარმატების.

5) თქვენი აზრით, რა გამოარჩევს ISI-ს?
ISI გამოირჩევა პრაქტიკულობით, პროფესიონალი ტრენერებით და იმით, რომ სწავლება რეალურ მაგალითებზეა დაფუძნებული. ეს არ არის მხოლოდ თეორიული კურსი — ეს არის რეალური სამუშაო გამოცდილების გაზიარება.

6) ვის ურჩევდით ამ კურსის გავლას და რატომ?
კურსის გავლას ვურჩევდი მათ, ვინც მუშაობს შესყიდვებში ან გეგმავს ამ მიმართულებით პროფესიულ განვითარებას. აღნიშნული კურსი საშუალებას გაძლევთ განივითაროთ როგორც პროფესიული უნარები, ასევე სტრატეგიული ხედვა, რაც დღეს ნებისმიერი ორგანიზაციისთვის განსაკუთრებით მნიშვნელოვანია.